სადამრიგებლო საათი (25/01)

                         

2023 წლის 25 იანვარს Vგ კლასში ჩავატარე სადამრიგებლო საათი.

მიმართულება: პიროვნული, მორალური და სოციალური განვითარება

თემა: მეგობრობა

მოსწავლეებს ვთხოვე დაფაზე წარმოედგინათ ნამდვილი მეგობრის თითო თვისება, რომელიც მათი აზრით მნიშვნელოვანია. ბავშვები ხალისით ჩაერთნენ აქტივობაში და გამოთქვეს მოსაზრებები. ვიმსჯელეთ ზოგიერთი მათგანის მოსაზრებაზე და გავაკეთეთ დასკვნები. საბოლოოდ ჩამოვაყალიბეთ ის მნიშვნელოვანი თვისებები, რომელიც ჭეშმარიტი მეგობრობისთვის აუცილებელია. 

აგრეთვე, ვიმსჯელეთ შეკითხვაზე: "რა სჯობს, ვიყოთ წარმატებული მოსწავლე, თუ შეგვეძლოს ვიყოთ კარგი მეგობარი?" მოსწავლეებმა სხვადასხვა მოსაზრებები გამოთქვეს და საბოლოოდ შევთანხმდით, რომ საჭიროა ორივე თანაბრად კარგად გამოგვდიოდეს.

სადამრიგებლო საათი (21/12)

 

2022 წლის 21 დეკემბერს Vგ კლასში ჩავატარე სადამრიგებლო საათი.

მიმართულება: პიროვნული, მორალური და სოციალური განვითარება

თემა: კამათის ხელოვნება

პირველ ეტაპზე მოსწავლეებმა მიპასუხეს შეკითხვებზე: "გიყვართ კამათი?", "ხშირად კამათობთ ხოლმე?", შემდეგ განვიხილეთ სიტუაციური ამოცანა კოტეს შესახებ, რომლის შესახებაც მოსწავლეებმა საინტერესო მოსაზრებები გამოთქვეს.  ბოლოს ბავშვებს ვთხოვე გაეხსენებინათ ბოლოს რაზე იკამათეს და როგორ წარიმართა პროცესი. საინტერესო იყო ის, რომ ბავშვებმა ერთმანეთს რჩევები მისცეს, თუ როგორ სჯობდა სამომავლოდ კამათის სწორად წარმართვა.

სადამრიგებლო საათი (07/12)

 2022 წლის 7 დეკემბერს Vგ კლასში ჩავატარე სადამრიგებლო საათი.

მიმართულება: პიროვნული, მორალური და სოციალური განვითარება

თემა: როგორ გადავაქციოთ წვეულება ზეიმად

საწყის ეტაპზე მოსწავლეებს ვთხოვე წარმოედგინათ მოსაზრება, თუ როგორ წვეულებაზე იგრძნობდნენ თავს კომფორტულად და გაატარებდნენ საუკეთესო დროს. ამის შემდეგ ისინი გავყავი ორ ჯგუფად და ვთხოვე წარმოედგინათ თავი მასპინძლებლად და დაეგეგმათ ისეთუ წვეულება, რომელიც მაქსიმალურად იქნებოდა ყველას ინტერესებს მორგებული და სტუმრებს თავს კარგად აგრძნობინებდა. აღსანიშნავია, რომ მოსწავლეებმა მაქსიმალურად გამოიყენეს თავიანთი შესაძლებლობები და გასაქანი მისცეს თავიან სურვილებს და ფანტაზიას.

სადამრიგებლო საათი (22/11)

 

2022 წლის 30 ნოემბერს Vგ კლასში ჩავატარე სადამრიგებლო საათი.

მიმართულება: პიროვნული, მორალური და სოციალური განვითარება

თემა: მე შემიძლია სიბრაზის მართვა

სადამრიგებლო საათი ფარგლებში მოსწავლეებთან ვისაუბრე სიბრაზის მართვის სტრატეგიებთან დაკავშირებით. ერთად ვიმსჯელეთ თუ როგორ სჯობს მოქცევა სხვადასხვა სიტუაციებში. განვიხილეთ რამდენიმე სიტუაციური ამოცანა და გავაკეთეთ დასკვნები. მოსწავლეებმა გაიხსენეს პირადი გამოცდილება და მიღებული ცოდნის გამოყენება სამომავლოდ დასახეს.

სადამრიგებლო საათი (09/11)

 2022 წლის 9 ნოემბერს Vგ კლასში ჩავატარე სადამრიგებლო საათი.

მიმართულება: პიროვნული, მორალური და სოციალური განვითარება

თემა: როგორ მოვაგვაროთ კონფლიქტი

მოსწავლეებმა სადამრიგებლო საათის ფარგლებში მიიღეს ინფორმაცია, თუ რამდენი სახის კონფლიქტი არსებობს, ისწავლეს მათი იდენტიფიცირება. აგრეთვე, ისაუბრეს მოგვარების გზებზე. განვიხილეთ რამდენიმე სიტუაცია და გამოითქვა მოსაზრებები კონფლიქტის მოგვარების რამდენიმე გზაზე. სადამრიგებლო საათის მიწურულს ვიმსჯელეთ მოლაპარაკების მნიშვნელობაზე ერთმანეთთან ურთიერთობის დროს და ბავშვებმა მონაწილეობა მიიღეს აქტივობაში, რომელიც გულისხმობდა მოლაპარაკების საფუძველზე ორცხობილის გაყოფას. 

სადამრიგებლო საათი (26/10)

 

2022 წლის 26 ოქტომბერს Vგ კლასში ჩავატარე სადამრიგებლო საათი.

მიმართულება: პიროვნული, მორალური და სოციალური განვითარება

თემა: ტყუილს მოკლე ფეხები აქვს

მოსწავლეებს წავუკითხე პატარა ნაწყვეტი ერთი გოგონას შესახებ, რომელმაც მეგობრებზე შთაბეჭდილების მოხდენის მიზნით სხვადასხვა ტყუილები მოიგონა. აღსანიშნავია, რომ ბავშვები აქტიურად ჩაერთნენ დისკუსიაში და გამოთქვეს სხვადასხვა მოსაზრებები გოგონას ქცევის შესახებ. საბოლოოდ ერთობლივი მსჯელობით მივიდნენ დასკვნამდე, რომ ტყუილის თქმა და ამგვარი გზით ურთიერთობების ჩამოყალიბება დაუშვებელია. 

შემდეგ აქტივობაში ვიმსჯელეთ შეკითხვაზე: "ტყუილის თქმა ყოველთვის საზიანოა?", რაზეც მოსწავლეების პასუხები განსხვავებული იყო. ზოგი ეთანხმებოდა მოსაზრებას, ზოგიც კიდევ არა. მოიყვანეს საინტერესო მაგალითები, თუ როდის ფიქრობენ, რომ ტყუილის თქმა გამართლებულია და ასეთ შემთხვევებს ე.წ. "კეთილი ტყუილის" მოგონება უწოდეს. 

საბოლოოდ შევაჯამეთ ჩვენი მუშაობა და როგორც აღმოჩნდა, მეტად საინტერესო თემები განვიხილეთ.

28 სექტემბრის სადამრიგებლო საათი V-გ კლასში

 

2022წლის 28 სექტემბერს V-გ კლასში ჩავატარე სადამრიგებლო საათი.

მიმართულება: პიროვნული, მორალური და სოციალური განვითარება

თემა: თანამშრომლობა, აქტიური მოსმენა

მოსწავლეებმა იმსჯელეს კითხვაზე "რა უნარებია აუცილებელი კარგი მოქალაქეობისთვის?" შევთანხმდით, რომ ერთ-ერთი საჭირო უნარი თანამშრომლობის უნარია და განვიხილეთ ეფექტური თანამშრომლობის სხვადასხვა მაგალითები.

ასევე, ვიმსჯელეთ, თუ რას ნიშნავს იყო აქტიური მსმენელი. მოსწავლეებმა მიიღეს მონაწილეობა აქტივობაში. აქტივობის შესრულებისთვის კლასის წინაშე გამოდის 2 მოსწავლე. ერთი მათგანი ირგებს მოსაუბრის, ხოლო მეორე - მსმენელის როლს. მოსაუბრე საუბრობს მისთვის სასურველ თემაზე, ხოლო მსმენელი ჩემს მიერ მიცემული ინსტრუქციის მიხედვით მოქმედებს მოსმენის პროცესში(ინსტრუქციები სხვადასხვაგვარია. მაგალითად: "არ უყურო მოსაუბრეს", "შეაწყვეტინე საუბარი ხშირ-ხშირად" და ა.შ.) ისე რომ მოსაუბრემ ამის შესახებ არაფერი იცის. დანარჩენი მოსწავლეები ირგებენ დამკვირვებლის როლს და ცდილობენ გამოიცნონ რას აკეთებს მსმენელი მთელი დიალოგის განმავლობაში. 

მოსწავლეები ხალისით ჩაერთნენ აქტივობაში, ვისჯელეთ თითოეულ შემთხვევაზე და გამოვიტანეთ დასკვნები იმის შესახებ, თუ როგორი უნდა იყოს კარგი მსმენელი.