2023წლის 15 ივნისს V/გ კლასი იმყოფებოდა სასწავლო ექსკურსიაზე, რომლის ფარგლებშიც მოსწავლეებმა მოინახულეს ნოდარ დუმბაძის სახლ-მუზეუმი, მუსიკოსთა პარკი, მინიატული პარკი და ბოლოს ესტუმრნენ ბათუმის დელფინარიუმს. მოსწავლეები წარუშლელი შთაბეჭდილებებით დაბრუნდნენ ქუთაისში.
მიმართულება: სოციო-ემოციური კომპეტენციების განვითარება
თემა: მოსწავლეთა თვითშეფასება
სკოლა აქტიურად ჩაერთო ახალ პროექტში, რომელიც გულისხმობს, მოსწავლეთა სოციო-ემოციური კომპეტენციების განვითარებას სხვადასხვა მიდგომებით საბაზო საფეხურზე. მიუხედავად იმისა, რომ კლასი არ არის შერჩეული, როგორც ერთ-ერთი საპილოტე კლასი, მოსწავლეთა სოციო-ემოციური უნარების შესაფასებლად შევავსებინე კითხვარი, რომელიც ვფიქრობ, მოცემულ ასაკობრივ ჯგუფსაც კარგად მოერგო.
შევსებული კითხვარებისთვის დავთვალე ქულები და მიღებული შედეგების გათვალისწინებას ვგეგმავ მომდევნო სასწავლო წლის სადამრიგებლო მუშაობის გეგმის შედგენისას.
მიმართულება: შემეცნებითი და კულტურული განვითარება
თემა: ბუნებრივი კატასტროფების რისკის შემცირება
მოსწავლეებთან ერთად განვიხილე, თუ რა საშუალებებს შეიძლება მივმართოთ ბუნებრივი კატასტროფების რისკის შესამცირებლად, შემდეგ ვთხოვე ჯგუფებში ემუშავათ და წარმოედგინათ პოსტერები, რითაც მოუწოდებდნენ მნახველებს, რისკების სხვადასხვა გზით შემცირებისკენ.
მიმართულება: შემეცნებითი და კულტურული განვითარება
თემა: ჯანსაღი ცხოვრების წესი
სადამრიგებლო საათის ფარგლებში მოსწავლეებთან ერთად ვიმსჯელე, რას ნიშნავს მისდიო ჯანსაღი ცხოვრების წესს და რა სარგებელი მოაქვს მას ჩვენთვის.
მიმართულება: შემეცნებითი და კულტურული განვითარება
თემა: ჩვენი საკლასო ოთახი
სადამრიგებლო საათის ფარგლებში ვისაუბრეთ იმაზე, თუ რამდენად მნიშვნელოვანია საკლასო ოთახში სისუფთავის დაცვა და ერთობლივად დავასუფთავეთ მერხების ზედაპირები, დავალაგეთ კარადები და დავახარისხეთ საკლასო რესურსები და ნამუშევრები. მუშაობამ ნაყოფიერად ჩაიარა და მოსწავლეები კმაყოფილი იყვნენ იმით, რომ პროცესი მათი აქტიური ჩართულობით მიმდინარეობდა და თავად იზრუნეს თავიანთი საკლასო ოთახის მოწესრიგებაზე.
მიმართულება: შემეცნებითი და კულტურული განვითარება
თემა: ჩემი ქალაქი/სოფელი (გარემოს დაცვა)
მოსწავლეებმა იმსჯელეს თემაზე რას ნიშნავს ვიზრუნოთ გარემოზე და ჩვენს ბუნებაზე. მათი აზრით, მნიშვნელოვანია სისუფთავის და ჯანსაღი გარემოს შენარარჩუნება. შემდეგ დავანაწილე ისინი სამ ჯგუფად და ვთხოვე მოემზადებინათ პოსტერი, სადაც წარმოადგენდნენ მოსაზრებას რომ არ უნდა მოვჭრათ ხეები. ჯგუფებმა მართლაც რომ საინტერესო ნამუშევრები წარმოადგინეს.
მიმართულება: პიროვნული, მორალური და სოციალური განვითარება
თემა: წესები, რომელიც სჭირდება საზოგადოებას
მოსწავლეებთან ერთად განვიხილე სხვადასხვა სიტუაციები, სადაც გადმოცემული იყო ისეთი საზოგადოებრივი წესების უგულებელყოფა, როგორიცაა: გარემოს დაბინძურება, საგზაო წესების დაცვის გარეშე მოძრაობა და ა.შ. მოსწავლეებმა იმსჯელეს, რა იქნებოდა სწორი კონკრეტულ სიტუაციებში და რა დიდი მნიშვნელობა აქვს წესების დაცვას.
